கருப்பு என் நிறமிது !

வாங்கி வந்த வரமல்ல இது
ஜனனத்தில் வந்த வண்ணமிது

வண்ணங்களை ரசிக்க
கற்று கொடுத்தோர்
இவ்வண்ணத்தை வெறுக்க
கற்றுக்கொடுத்ததென்ன

துன்பத்தின் நிறமல்ல இது
என்னை போன்றோரின்
மன துக்கத்தை மறைக்கும்
நிறமிது

அப்பழுக்கற்ற என் மனதின்
நிறமல்ல இது

ஆனால் 

மனதில் ஐயப்பனை தரிசிக்க அணிந்த 

என் உடையின் நிறமிது

எல்லாரும் பயப்படும்
இருளல்ல என் நிறம்
வெளிச்சமுண்டு மறவாதே
என உணர்த்தும் நிறமிது

நட்பு கூட
நிறம்மாறி பிரியலாம்
ஆனால்
என்றும் பிரியாமல்
நிழல் போல
உன் உடன்வரும்
நிறமிது

என் மனதின் நிறமல்ல  இது
என் இனத்தின் நிறமிது