பேசி பழகிய
நொடி துளிகள் எல்லாம்
முகமூடி இட்டு பழகியதால்
நிஜம் முகம் மறந்தது
எனக்கு

என் மனதினூடே
யுத்தம் ஒன்று நடத்தி
விடை காண எத்தனிகையில்
கேள்வி மறந்தது எனக்கு


இதுவும் கடந்து போகும் என
சாலையில் நடந்து கொண்டிருக்கிறேன் 
நான் யாரென அறியாமல்
காண்பவர்களிடம் எல்லாம்
முன்முருவல் கடத்தி

இறைவா!

 அளவில்லா

அன்பையும்
நேசத்தையும்
புன்னகையையும்
நீங்கள் யாரிடமிருந்தும்
பெற்றிருந்தீர்கள் என்றால்
நினைக்காதீர்
விலகுதல் என்பது
கனவிலிருந்து
விழிப்பது போல
எளிதானதென்று

சிந்திக்காமல்
கிறுக்குகிறேன்
என்
சிந்தனை முழுவதும்
நீயென ஆனா பின்

வசதியாய்
வாழ்கிறேன்
அறை  முழுவதும்
பணம் நிரப்பி அல்ல
என் இதய அறை முழுவதும்
உன் நினைவுகளை நிரப்பி

விழி மூடினால்
சுகமாய் உன் நினைவு
வேறென்ன கேட்டு விட
போகிறேன்
இறைவா!   உன்னிடம் ,
அவள் நினைவுகளையேனும்
விட்டு விடு
என்னிடம்
என்பதை தவிர

உன் நினைவுகள்

இன்று வரை 

நான் கிறுக்கிய 

எழுத்துக்கள் எல்லாம் 

கவிதையாய் தெரிவது 

ஏன் எனில் அது உன்னை 

பற்றியே இருப்பதால் 

வெள்ளை காகிதங்கள் 

எல்லாம் வண்ண 

காகிதங்களாய் 

ஜொலிக்கின்றன 

உன்னை பற்றி எழுதுவதால் 

என் பார்வை 

உன்னை காண மறுக்கிறது 

ஆனால் 

என் நாணம் 

உன்னை  காண 

தவிக்கிறது 

நீ பேசும் வார்த்தைகளை விட 

உன் மௌனம் அதிக அர்த்தங்களை 

கடத்துகிறது எனக்குள் 

உன் துடிக்கும் 

இதயமும் 

தவிக்கும் நினைவுகளும் 

எனக்காய் இருக்கவே விரும்புகிறது 

என் மனம் 

எண்ணற்ற 

நட்சத்திரங்களுக்கு இடையில் 

ஒளிரும் நிலவை போல 

உன் நினைவுகள் 

எனக்குள் ஒளிர்கின்றன 

நானும் கூட 

கவிதை எழுதுகிறேனாம் 

அது உனக்காய் அல்ல 

உன்னால் 

நொடியில் உடையும் 

நீர்க்குமிழி போல் அல்லாமல் 

நொடிக்கும் உன்னை நினைக்கும் 

ஓயாத கடல் அலை போன்றது 

எனக்குள் 

உன் நினைவுகள் 

அவள் வந்துவிட்டாள்

வண்ண தூரிகையால் 
யார் வரைய துவங்கிய ஓவியமோ 
வானில் "வானவில்" 

அந்தி வானம் 
அவள் வருகையை 
எதிர்நோக்கி 
காத்திருக்க துவங்கின

அவள் வந்தால் 
மலர்களை கேட்பாளோ ?
இல்லை 
மண்ணின் வாசனை நுகர்வாளோ ?
இல்லை 
கடற்கரை காண 
அலைபாய்வாளோ ?

இதோ 
சில்லென்ற காற்று
அவளை அழைத்து வருகிறது 

முதல் துளி எங்கு விழுமோ 
வானம் நோக்கி என் பார்வை 
அவள் வந்துவிட்டாள் 

அரைப்பெடல் அடித்து

ஆனந்தமாய் சுற்றிய
காலம்தனில்
அரை வயிறு உண்டாலும்
நிறைந்திருந்தது மனது

உடன் பயணித்து
என் உயர்வில் பங்கெடுத்து
இன்று சாய்வு நாற்காலியில்
அமர்ந்து ஓய்வெடுக்கும்
தந்தையை போல
சுவர் ஓரமாய் சாய்த்து
வைக்கப்பட்டிருக்கிறது
அப்பாவின்
"மிதிவண்டி