உழைப்பாளர் தின வாழ்த்துக்கள்

வெயிலில் வியர்வை சிந்தி
நாம் சோற்றில் கை வைக்க
சேற்றில் கால் பதித்து
உழைக்கும் விவசாயிக்கும்

மணம் தனை மறந்து
மனம் தனை  தூய்மையாக்கி
நம் சுற்றம் தூய்மையை குறிக்கோளாக்கி
உழைக்கும் துப்புரவு தொழிலாளிக்கும்

காலம் நேரம் பாராமல்
பிணி என்று யார் வந்தாலும்
முகம் மலர பணிவிடை செய்து
உழைக்கும் மருத்துவருக்கும்
அவர் தன்  துணை நிற்கும்
செவிலியர்க்கும்

தவறி தீயில் விழுந்தாலும்
தவறி கடலில் விழுந்தாலும்
இயற்கை தான் தவறி நடந்தாலும்
உயிரின் மேன்மை அறிந்து
நம் உயிரை காக்க காத்திருக்கும்
தீ மற்றும் மீட்பு குழு அன்பர்களுக்கும்

எத்தனை நாகரீக உடைகள் வந்தாலும்
தன் கை கொண்டு தறி இயக்கி நெசவு
செய்யும் என் கைத்தறி நெசவாளர்களுக்கும்

உடல் உழைப்பின்றி
குளிரூட்டபெற்ற அறையில்
இருந்தாலும் தன் மூளையை கொண்டு
உழைக்கும் மின்பொறியாளர்களுக்கும்

எந்தவகை ஆயினும்
உழைத்தால் உயர்வுண்டு என்று
நம்பி உழைக்கும்
அத்தனை உழைப்பாளர்களுக்கும்
என் இதயம் கனிந்த
உழைப்பாளர் தின வாழ்த்துக்கள்