என்ன தவம் செய்தேனோ

 பெயர்தான் கவிதை என்றால்
எனக்கு பிடித்த சிறு கவிதை இவள்

இசை தான் மொழி  என்றால்
எனக்கு பிடித்த மெல்லிசை இவள்

இனிப்பு தான் உணவென்றால்
எனக்கு பிடித்த இனிப்பு பலகாரம் இவள்

தமிழ்தான் இவள் மொழி என்றாலும்
தலைக்கனம் இல்லாதவள்

கதவின் பின்னால் ஒளிந்திருந்து
எட்டி பார்க்கும்  இவள் பார்வை தான்
என் மனதில் பதிந்த ஓவியம்

இவளை உவமை சொல்லி
ஒப்பிட்டால் உவமைக்கு
பெருமையா  இல்லை
இவளுக்கு பெருமையா ?
நானறியேன்

இறைவன் படைத்த
படைப்பில் உன்னதம்
இவள்

வீடு செல்லும் போதெல்லாம்
ஓடி வந்து முத்தமிடும்
இவள்
என் மகளாய் பெற
என்ன தவம் செய்தேனோ