தாய்மொழி

தாய், அவள் வயிற்றில் இருந்து
வெளிவந்து தொப்புள் கொடி
வெட்டப்பட்டதும் தொடங்கியது
என் தமிழ்தாயிடுனான என் உறவு

தாய் சொல்லிக்கொடுத்ததாலோ
என்னவோ தமிழ்த்தாய் என்றே
விளிப்பர்

"அம்மா, அப்பா, அண்ணன், அக்காவுடன்
"ஆ"னந்தமாய் ஆடி கழித்தேன்
"இ"சை துணை கொண்டு ,
"ஈ"கையரசன் கதையை
"உ"ணர்வாய் சொல்லி  உலகத்தை அறியவைத்து
"ஊ"க்கம் கொடுத்து
"எ"ட்டுதிக்கும்
"ஏ"ழைகள் ஏராளம் என புரிய வைத்து
"ஐ"யம்கொள்ளாமல்
"ஒ"ழுக்கமாய் ஒற்றுமையாய் இருந்தால்
"ஓ"ர் நாள் உலகம் உன் வசபடும் ஆனால்
"ஒள"வியம் மட்டும் என்றும் பேசாதே என்றாள்
        என் தாய்

பிற மொழி கற்போம் தவறில்லை
தாய்மொழி மறந்தால் நம் உயிரில்லை