உயர்ந்தவர்கள்

சிறுவயதில் என்னை
பள்ளியில் சேர்க்க
ரசீது இல்லாமல்
நன்கொடை என்ற பெயரில்
வாங்கின நிர்வாகம்
ஏனென்றேன்
பதில் வந்தது அது
உயர்ந்த பள்ளி என

அரசு அலுவலகத்தில்
அப்பாவுடன் சென்றேன்
நியாயமாய் செய்ய வேண்டிய
பணி  செய்ய பணம் கொடுத்தார்
ஏனென்றேன்
பதில் வந்தது அவர்
உயர்ந்த அதிகாரி என

தேர்தல் சமயம்
வீடுவீடாய்
ஓட்டுக்கு மனம் கொடுத்து
கொடுத்து கொண்டிருந்தார்
யாரென்றேன்
பதில் வந்தது அவர்
உயர்ந்த அரசியல்வாதி  என

கடவுளை தரிசிக்க சென்ற
நேரம் கூட்டம் அதிகம்
பலர் அதிக பணம் கொடுத்து
வேறு வழியில் தரிசித்து வந்தனர்
ஏனென்றேன்
பதில் வந்தது அவர்
 உயர்ந்த கடவுள்

எவ்வகையில் இவர்கள் உயர்ந்தவர்கள்
விடை தெரியா கேள்வியில் நான்

புரியாத புதிர் !

கடவுள் இல்லை!
கடவுள் இருக்கிறார்!
கடவுள் இருந்தால் அவர் யார் ? எங்கிருப்பார் ?

ஏன் என் துன்பங்களில்
அவர் வருவதில்லை

வருகிறார் பள்ளிக்கூடத்தில்
ஆசிரியர் எல்லாருக்கும்
ஒரே போல் தான் கற்பிக்கிறார்
பின் எப்படி ஒவ்வொருவரும்
ஒவ்வொரு மதிப்பெண்கள் ?

கடவுள் காற்றை போல்
எங்கும் வியாபித்திருக்கிறார்
தேவைப்படுபவன்
மின்விசிறி  வைத்து கொள்கிறான்

அதனால் எங்கும் வியாபித்திருக்கும்
காற்று இல்லாமல் போகுமோ?!
இல்லை என்றால் அது தர்மமாகுமோ ?

அன்பு தோழி நியா !!!

நமக்கான உரையாடலில் 

முதலில் பேசியது 

நீயே !

நண்பனாய் எனை கண்டு 

மின்னஞ்சல் அனுப்பி

என்னை மகிழ்ச்சியில் 

ஆழ்த்தியது 

நீயே !

நிதர்சனம் உன் கவிதை 

வரிகளாக்கி  எழுதுபவள் 

நீயே !

குயில்களும் வெட்கம் 

கொள்ளும் குரலில் 

நிகழ்ச்சியை நடத்துபவள் 

நீயே !

பட்டிமன்றத்தில் 

உன் பேச்சால் 

எங்களை ஆச்சர்யப்படுத்துபவள் 

நீயே !

அன்பென்ற மாலையில் 

கோர்த்த முத்தொன்று 

உதிர்ந்ததெண்ணி 

கோர்த்துவைத்த மற்ற முத்துக்கள் 

சிதறுமோ என அஞ்சுபவள் 

நீயே !

பல திறமை உனக்குண்டு 

பல நட்புக்களும் இங்கு உனக்குண்டு

உன் நட்பெனும் மாலையில் 

உதிராத நட்பாய் என்றும் 

நானுண்டு என் 

அன்பு தோழி நியா !!!

அலியா என்கிற மிஸ்டரி

அரட்டை அரங்கத்தில் 
அகர வரிசையில்         
இவள் பெயர்
முதலில் இருக்கும்

ftc மன்றத்தில்
உலகம் இவள் நுனியில்
இருக்கும்

என் கடன் பணி செய்து கிடப்பதே
என இவள்  மன்றத்தில்  பதிவிடும்
ஒவ்வொரு பதிவிற்கும்
எதையும் எவரிடமிருந்தும்
எதிர்பார்ப்பதில்லை

காணொளியாகட்டும்
குறிப்புகளாகட்டும்
தான் கண்டதை மன்றத்தில்
பதிவிடுவதாகட்டும்
இவளுக்கு நிகர் இவளே

"நீ என்பதே நான் தானடி "
இவள் பதிவிடும் கதை மட்டும்
அல்ல ftc மன்றம் என்பதே
நீதானடி

அரட்டை அரங்கத்தில்
இவள் ஏனோ மௌனமாய்
இருப்பாய்
அதனால் தானோ
மன்றத்தில் இவள் பெயர்
மர்மம் (மிஸ்டரி) என
வைத்தாலோ

எல்லாருக்கும் பிடித்த
ஒரு தோழி ftc யில்
உண்டெனில்
அது இவள் தான்

என்றும் நம் மனதில்
இருந்து அழியா
தோழி இவள் தான்
அலியா என்கிற மிஸ்டரி
(Alea (a) Mystery)

என் காதல் மறையாது

காற்றடைத்த பலூனை
திறந்து விட்டது போல்
என் மீதான உன் அன்பை
துறந்துவிட்டாய்  என்கிறாய்

வண்ண வண்ண கனவுகளுடன்
உன்னுடன் சஞ்சரித்து
கொண்டுதானிருக்கிறேன்
யாருமில்லா அகிலத்தில்

அத்தனை எளிதில்
என்னால் கடக்கமுடியவில்லை
உன்னை போல்
கடந்து செல்ல
காலம் உதவலாம்

இந்த ஜென்மம் முழுவதும்
உன் நினைவு
என் மனதில் தங்கியிருந்தால்
போதும்

மீசை நரைத்திடும் வேளையும்
உன் மீதான என் காதல்
மறையாது

நம்பிவிடாதே

நம்பிவிடாதே
என்னையும் நல்லவன் என
நம்பிவிடாதே

உன்னை அறியாமல் உன்
இதயத்தை சிறைபிடித்தவன்
நான் நம்பிவிடாதே

நம்பிவிடாதே
அன்பே நம்பிவிடாதே
நீ இன்றி நான் வாழ்வேன் என
ஊர் சொன்னாலும்
நம்பிவிடாதே

நம்பிவிடாதே
பெண்ணே
நம்பிவிடாதே
கவிதைக்குள் பொய்
இருந்தால் தான் அழகு
என நம்பிவிடாதே

விடாதே
உயிரே
விடாதே
வாழ்வில் நமக்குள்
சண்டைகள் பல வந்தாலும்
உயிரை  நீ விடாதே

சிந்திக்கிறேன்

சிந்திக்கிறேன்
அசோகர் மரம் நாட்டார்
என பாடத்தில் படித்த
தினத்தை எண்ணி

சிந்திக்கிறேன்
வேப்பரத்தில் பேய் ஒண்ணு
நிக்குதுனு சொல்லிய பாட்டி
வெள்ளிக்கிழமை
சாமினு சொல்லி வேப்பிலையை
பறித்து வீட்டில் தோரணம் கட்டிய
தினத்தை எண்ணி

சிந்திக்கிறேன்
நண்பனோடு கல்லெறிந்து
மாங்காய் பறித்து உண்ட
தினத்தை எண்ணி

சிந்திக்கிறேன்
பெயர் தெரியா மரங்கள்
என் சாலைகளில்
நிழல் தர என வளர்த்த
என் முன்னோர்கள் இருந்த
தினத்தை எண்ணி

சிந்திக்கிறேன்
அரசமரம், வேப்பமரம் , ஆலமரம்
எல்லாம் என் வாழ்வோடு
கலந்திருந்த
தினத்தை எண்ணி

சிந்திக்கிறேன்
மழை பெய்ய
சாலையோர மரத்தின் அடியில்
ஒதுங்கிய
தினத்தை எண்ணி

சிந்திக்கிறேன்
வேறுகிரகத்தில் தண்ணீர்
தேடும் நம் விஞ்ஞானிகளின்
அறிவை  எண்ணி

சிந்திக்கிறேன்
நீர் தேங்க அமைத்த
குளத்தையும் ,ஏரிகளையும்
பல அடுக்குமாடி வீடு கட்ட
அனுமதித்த அதிகாரிகளின்
அக்கறை எண்ணி

சிந்திக்கிறேன்
அதிகப்படியான நீர்
இருந்தும் அடுத்த மாநிலத்திற்கு
தர யோசிக்கும்
அரசியல்வாதிகளின்
நிலை எண்ணி

வீட்டின் அருகில் இருந்த
மரங்கள் எல்லாம் வெட்டி
வீட்டினுள்  அழகுக்காய்
பொன்சாய் மரம் வளர்க்கும்
நம் மக்களின்
சமூக அக்கறை எண்ணி

சிந்தித்து சிந்தித்து
என் நாவறண்டு
போனதால்
என்னருகில் இருந்த
குவளையை
கவிழ்க்க
மீதி இருந்த கடைசி சொட்டு
தண்ணீர்
என் தாகத்தை
தனித்திடுமோ
என சிந்திக்கிறேன்

அணைத்துக்கொள்

என்ன சொல்ல
பழகினால் பிரிந்திடுவாய் ஒருநாள்
என தெரிந்தும் பழகினேன்

பிரிந்தால் அவ்வலி
மரணம் போல் இருக்கும்
என நினைத்திருக்கவில்லை

ஒரு கனம்
நினைத்திருந்தால்
மரணத்திருப்பேன்
விழிமூடி
வலித்திருக்காது

நேசித்தவர் ஏற்படுத்தும்
வலி போல் எதிரி கூட நமக்கு
தரமுடியாது
அது என் எதிரிக்கும் வர கூடாது

பிழைத்திருக்கிறேன்
என்னை பெற்ற
தாய் தந்தைக்காக
என்னை பிரியும் வலி
அவர்களுக்கு கொடுக்க
விரும்பவில்லை நான்

மரணம் அவர்களை
நெருங்கும் நேரம்
காலா, என்னையும்
அணைத்துக்கொள்

காத்திருக்கிறேன்

பெண்கள் தின நல் வாழ்த்துக்கள்

என்னை ஈன்றெடுத்த அன்னைக்கும்
மண்ணில் நான் பிறந்த நாள் முதல்
இன்றுவரை நான் சகோதரி என்றழைத்து
அன்பால் அரவணைத்தவருக்கும்

மைல்கல் பலகடந்திருப்பினும்
அரட்டைஅரங்கத்தில் கண்டால்
அன்பாய் விசாரிக்கும் என் தோழிகளுக்கும்

என்னை விரும்பி வெறுத்தவருக்கும்
என்னை வெறுத்து பின் விரும்பிய
அத்தனை
பெண் நல் உள்ளங்களுக்கும்

எங்கள் வாழ்வில் தினம் நீங்கள்
கலந்திருப்பினும்
நீங்கள் இல்லையேல் ஆண்கள்
நாங்கள் இல்லை என
உணர இந்நாள் ஒரு பொன்னாளாய்

என் இனிய பெண்கள் தின
நல் வாழ்த்துக்கள்

இவர்கள் யார் ?

துப்பாக்கி முனைகள்
என்னை நோக்கி
பிடித்திருக்கும்
இவர்கள் யார் ?

வானத்திலிருந்து
இறங்கும் பலூன்கள் போல்
குண்டுகளை இறக்கும்
இவர்கள் யார் ?

நேற்றுவரை என்னை
பாலூட்டி வளர்த்த
தாயையும்
என்னை நெஞ்சுக்குள்
அணைத்து கொஞ்சிய
என்ன தந்தையையும்
நான் சிரிப்பதை கண்டு
ஆனந்தம் கொண்ட
என் சகோதரனையும்
கொன்ற
இவர்கள் யார் ?

சொந்த நாட்டிலே
இந்த நிலை எனில்
உயிரை கையிலேந்தி
அகதியாய் அந்நிய நாட்டில்
கரையேறிய என் சொந்தங்களின்
நிலை பற்றி எண்ணாத
இவர்கள் யார் ?

மனித வளத்தை விட
எண்ணெய்  வளத்தை
உயர்வென நினைக்கும்
இவர்கள் யார் ?

நிச்சயம் மனிதர்கள்
அல்ல
பசிக்காக வேட்டையாடும்
மிருகமும் அல்ல
இவர்கள் யார் ?

புறா

ஒரு நாள் இரவு
வீட்டில் எல்லாரும்
அமர்ந்து தொலைக்காட்சி
கண்டுகளித்திருந்த நேரம்

வாசலில் ஒரு ஒலி கேட்டு
சென்று பார்த்தால் -அங்கு
பூனையிடம் இருந்து
தன்னை காக்க போராடிய
ஒரு அடிபட்ட புறா

அதை பிடித்து சிறுது
என் அம்மாவின் மருந்து
இட்டு துணி எடுத்து கட்டிட்டாள்

வேடன் தான் அம்பெய்தானோ
இல்லை
ஆடவன் தான் கல் எறிந்தானோ

கேள்விகள்ஆயிரம் இருந்தும்
யாரிடம் தான் கேட்பது

அடுத்த நாள் முதல்
பயிரும், பொட்டுகடலையும்
அதற்கு உண்ண  கொடுப்பதே
என் வேலையாயிற்று

பழக பழக
அடுக்களைக்குள்ளும்
அதன் சாம்ராஜ்ஜியம்

பள்ளி முடிந்து வீடு வந்ததும்
பேசிக்கொண்டிருப்பேன்
அதை அடைத்து வைப்பதில்லை

ஒரு நாள் வீட்டில் அனைவரும்
வெளியில் சென்று திரும்புகையில்
காணவில்லை

எங்கு சென்றதோ ? என்ன ஆனதோ ?
கவலையில் கரைந்தோடின
பல நாட்கள்

இதோ இன்று மழை சாரலில்
ஒதுங்கிய ஒரு ஜோடி புறா
என் வீட்டு ஜன்னலில்

நீண்ட நாள் பிரிந்த
நண்பனை கண்டா உணர்வு

பொட்டுக்கடலை எடுக்க
ஓடுகிறேன் ..
அடுக்களைக்கு
.....