பசி

 

சிக்கிய மனம்

உன்னிடம்

சிக்கிக்கொண்டது "பென்" மட்டுமல்ல "பெண்ணே" என் மனமும் தான் உன்னிடம் கடி வாங்கி சிக்கி சிக்கி எழுதுவது பென் மட்டுமல்ல பெண்ணே உன்னிடம் காதல் சொல்ல வந்த என் வார்த்தைகளும் திக்கி சிக்கி கொள்கிறது எனக்குள்

காத்திருக்கிறேன்

 இன்னொருமுறை 

நாம் சந்தித்துக்கொள்வோமென்றோ 

இன்னொருமுறை 

பரஸ்பரம் அன்பை 

பரிமாறிக்கொள்வோமென்றோ 

இன்னொருமுறை 

வெட்க புன்னகை 

எனக்குள் கடத்துவாயென்றோ 

இன்னொருமுறை 

செல்ல செல்ல 

சண்டகையிட்டுக்கொள்வோமென்றோ 

இன்னொருமுறை 

உன் தோள்  சாய்ந்து 

ஆறுதல் அடைவேனென்றோ 

இன்னொருமுறை 

சிறிதாய் மட்டும் நமக்குள் 

மௌனங்கள் 

கடந்திடுமென்றோ

இன்னொருமுறை 

உன் வருகைக்காக 

காத்திருக்கிறேன் 

தீபாவளி வருகிறது 

அம்மாவிடம் சொல்லி 

பலகாரம் சில செய்ய

சொல்ல வேண்டும் 

அப்பாவிடம் சொல்லி 

புது துணிமணி 

வாங்க சொல்விட வேண்டும் 

அண்ணாவிடம்  சொல்லி 

வெடிக்கும் பட்டாசு கொஞ்சம் 

வாங்க சொல்லிட வேண்டும் 

தங்கையிடம் சொல்லி 

பாட்டு ஒன்னு பாட 

அதை நாங்கள் ஒன்றாய் அமர்ந்து 

கேட்டு ரசித்திட வேண்டும் 

வர்ண பகவானிடம் சொல்லி 

அன்று ஒரு நாள் மட்டும் 

மழை வேண்டாமென 

கேட்டிட வேண்டும் 

நண்பர்களிடம் சொல்லி 

ஓரிடம் சேர்ந்து 

பேசி கழித்திட வேண்டும் 

கடவுளிடம் சொல்லி 

இக்கனவு 

மெய்ப்பட தினம் 

பிரார்த்தித்திட வேண்டும்   

 காலையில் கண்விழிக்கும் நேரம் 

கண் தேடுகிறது 

அருகில் உன்னை 

காண 

நடக்கையிலும் 

உன்னை பார்த்தபடி 

நடக்கவே மனம் 

விரும்புகிறது 

எங்கு பயணிக்கையிலும் 

உன்னுடன் பயணிக்கவே 

விரும்புகிறது 

மனம் 

விடை தெரியா 

கேள்விக்கெல்லாம் 

விடையாய் என்முன் 

நீயே 

நீ அருகில் இல்லா 

நாட்கள் 

நிலா இல்லா வானம் போல 

இருண்டு விடுவதாய் 

உணர்கிறேன் 

நீ என்ன என் காதலியா 

இல்லை 

நீ அதற்கும் மேல் 

என் செல்ல 

தொலைபேசியே 

விசித்திரம் நிறைந்த 
இவ்வுலகத்தில் 
விசித்திரமான
மக்கள் சிலர் 

வறுமை கோட்டுக்கு 
கீழ் உள்ள மக்கள் என்று 
சொல்லி கோடு கிழித்து 
கோடு தாண்டாமல் 
பார்த்து கொள்கிறார்கள் 
சிலர் 

பணம்,ஜாதி , இனம் 
என மனிதனை பிரித்து 
ஒதுக்கி  விடுகிறார்கள் 
சிலர் 

ஆள் பலம் , பண பலம் 
என்று அதிகாரத்தை 
கையில் எடுத்துக்கொள்கிறார்கள் 
சிலர் 

அதிகாரம் எப்படி 
செயல்பட வேண்டும் என 
தேர்தல் நெருங்கும் நேரம் மட்டும் 
மக்களுக்கு உணர்த்தும் 
சிலர் 

அறிவிக்க படும்
நலத்திட்டங்களெல்லாம் 
ஊடகத்தில் மட்டும் பரவுவதை 
கொண்டாடும் 
சிலர் 

5 நொடிகள் 
உங்கள் கால்களில் விழுந்தும் 
கைகூப்பயும் ஒட்டு கேட்டு 
5 வருடங்கள் 
உங்களை ஊனத்தோடு 
உலவ விடும் அரசியல்வாதிகள் என்று 
சிலர் 

ஈன செயலுடன் 
தவறு செய்பவன் 
எந்த நடிகனின் ரசிகன் என்றும் 
எந்த கட்சியின் தொண்டன் என்றும் 
ஊடகத்தில் விவாதமாக்கி 
அவன் மனிதனல்ல 
என்ற ஒன்றை மறந்து,மறைத்து 
அடுத்த பிரச்சனைக்கு தாவும் 
நடுநிலையை நிலை நாட்ட
போராடும் ஊடக துரோகிகள் 
சிலர் 

இது ஏதும் அறியாமல் 
ராமன் ஆண்டாளும்
இராவணன் ஆண்டாளும் 
எனக்கு கவலையில்லை 
என் கவலையே எனக்கு போதும் 
என முக்காடு இட்டுக்கொள்ளும் 
சிலர் 

அடக்குமுறை கண்டு 
காந்தியும், காமராசரும், பெரியாரும் 
அவ்வப்போது உருவாகிறார்கள் 
நம்மிலிருந்து 
சிலர் 

நாடு முன்னேற 
நமக்கு இன்னும் 
வேண்டும் இவர்களை போல 
சிலர் 

 சுறுசுறுப்பாய்

லட்சியம் நோக்கி
பயணிக்கையில்
உச்சம் தொடலாம்
என உணர்த்தும்
"எறும்பு"

 

தண்ணீர் ஊற்றி
குளிப்பாட்டுக்கையில்
குளிர்ந்திடும்
குழந்தை

குழந்தையின்
ஒற்றை
முத்தத்தில்
குளிர்ந்திடும்

தாய் 

தாய்

தாய் 

கண்கொண்டு 
பார்க்கவில்லை 
நேசித்தாள் 

கவலையின்றி 

வாழ 

சுவாசித்தாள் 

வார்த்தைகள் 

ஏதுமில்லாமல் 

அன்பை கடத்தினாள் 

விறல் பிடித்து 

நடக்காமல் 

பாதை காட்டினாள் 

கருவாக உருவான -என் 

உருவத்தை காண 

விஞ்ஞான துணையின்றி 

வலியினூடே 

என்னை பிரசவித்தாள் 

ஒரு விதி செய்வோம்

 போர்க்களத்திலே

எதிரிகள் சூழ்ந்திருக்க 

நெஞ்சிலே வீரம் கொண்டு 

கையில் வாளும், வில்லும் அம்பும் ,

ஈட்டியும் ஏந்தி 

பகைவர்களின் தலைகளை 

பகடைகளாய் வீழ்த்தி 

நிமிர்ந்து நின்ற 

என் குல பெண்கள்

சினமுற்றாள்  

விரட்டினாள் 

புலியை கூட

முறத்தால் 

என் வீர தமிழ்பெண் 

அன்று 

 

இன்று 

கையில் வாளும் இல்லை 

ஈட்டியும் இல்லை 

எதிரிகள் மட்டும் 

கண்முன்னே

பற்பல 

முகங்களில் 

உன்னை சூழ்ந்து 

நடமாடிக்கொண்டிருக்கிறார்கள் 

கள்ளிப்பால் முதல் 

கணினி வரை 

உன்னை வீழ்த்த 

திட்டங்கள் தான் 

எத்தனை எத்தனை ..

சிலருக்கு 

வாழ்க்கையில் 

போராட்டம் 

உனக்கோ 

வாழ்க்கையே 

போராட்டமாய்

பாரத மாதா 

பூமி தாய் 

தமிழ் தாய் 

காவேரி,கங்கை என 

பெண்ணை போற்றி வணங்கி 

புத்தகத்தில் புதைத்துவிட்டோம்  

நீதி தேவதையின் 

கண்ணை கட்டிவிட்டோம் 

கயவர்கள் தப்பித்து 

எழுத கூட கூசும் 

ஈன செயலை செய்தவனுக்கு 

தையல் இயந்திரம் வாங்கவா?

பெண்ணே 

நிமிர்ந்து நின்று 

எதிரிகளை வீழ்த்த 

சினம் கொண்டு 

எழுந்து வா 

பெண்ணே 

உனக்காய் 

ஒரு விதி செய்வோம்  

குழந்தையின் குமுறல்

பத்து மாதம் தான் 

என்னையும் சுமந்து 

பெற்றிருக்க வேண்டும் 

நீ 

 

எல்லா பிள்ளையும் போல 

உன் வயற்றில் உதைத்து 

விளையாடிருக்க வேண்டும் 

நான் 

எல்லா தாயையும் போல 

எனக்காய் உன் ஆசைகளை 

தியாகம் செய்து 

உண்ணும்போதும் உறங்கும்போதும் 

எனக்காய் சிந்தித்து 

என்னை வலியினூடே 

பிரசவித்திருக்க வேண்டும்

நீ 

பிறந்த நாடு முக்கியம் 

என்றுணர்ந்த நீ 

பெற்ற  பிள்ளைக்கு 

உன் பாசம் முக்கியம் 

என்று உணர 

தவறியதேனோ ?

தோள் கொடுப்பான் 

தோழன் சரி தான் 

பெற்ற தாயின் பாசம் 

தர இயலுமோ 

என் யோசித்தாயா 

நீ? 

குழந்தையின் அன்பை உதறி 

நீங்கள் சொல்லும் காரணங்கள் 

எல்லாம் ரணங்களுக்கு 

மருந்தாகாது 

உறவுகளுக்குள் 

சுவர் எழுப்பி 

இறகுகளை உதிர்த்து 

பறக்க சொல்லுகிறீர்கள் 

என்னை 

பறந்திடத்தான் 

இயலுமோ ?

உங்களை நினைத்து 

பீறிட்டு வரும் 

என் அழுகையின்  சத்தம் 

குண்டுகள் தாங்கி பறந்து வரும் 

போர் விமானத்தை விட 

பேரிறைச்சல் கொண்டது 

என அறிவாயா

 நீ?

குற்றமே செய்யாத 

எனக்கு ஏன் 

வாழ்வதே தண்டனையாய் 

தந்தாய் 

நீ ?

கிறுக்கல்கள் 

"வெளிச்சத்தை கண்டு 

வரும் விட்டில்பூச்சியாய் 

உன்னை கண்டதும் 

காதல் கொண்டு வருகிறேன் 

வீட்டில் பூச்சியாய் ஆகினும் 

என்னை வைத்துக்கொள்ளேன் 

உன்னுடன் "

*******    *******    *********

"ஆறு தலை 

முருகனை காண 

வந்தேன் 

ஆறுதலாய் இருந்தது 

கண்டபின் 

உன் முகம் "

*******    *******    *********

"கதிரவன் 

உதித்துவிட்டான் 

ஊரடங்காம் 

இன்று 

எப்படி சொல்வேன் 

தடுக்க முடியாதபடி 

வந்து செல்லும் 

உன் நினைவலைகலை  பற்றி "

*******    *******    *********

என் வீட்டில் 

பால் திருடிய 

உன் வீட்டு 

பூனைக்கெல்லாம் 

கொஞ்சி முத்தம் கொடுக்கிறாய் 

என் இதயத்தை 

திருடிய உனக்கு 

என்ன தண்டனை 

கொடுக்கலாம் 

என யோசித்துக்கொண்டிருக்கிறேன் 

*******    *******    *********

உன்னை காணாத பொழுதில் 

அனலில் இட்ட புழுவாய் 

துடிக்கிறேன் 

வந்து 

உன் தாவணி தணலில் 

எனக்கு ஓர் அடைக்கலம்

தருவாய் என  

*******    *******    ******** 

 முத்தத்தின் போது 

மட்டும் சிந்தும் 

தேன் 

அவள் உதடு 

***** ***** ******

கண்ணாடி தோழன் 

 சின்னஞ்சிறு வயதில் 

முதன் முதலில் 

உன்னை பார்த்ததும் 

ஆச்சர்யம் ஆட்கொண்டது 

விளையாட்டு 

தோழனாய்  நீ 

கையால் தொட எத்தனித்தேன் 

முடியவில்லை 

நான் சிரித்தால் 

நீயும் சிரித்தாய் 

நான் அழுதால் 

நீயும் அழுதாய் 

உணர்வுகளின் 

பிரதிபலிப்பாய் 

நீ இருப்பதாய் 

காலம் எனக்கு 

உணர்த்தியது 

உன்னை காண்கையில் 

அழகாய் தெரிந்தால் 

என்னவளுக்கும் 

அழகாய் தெரிவதாய் 

உணர்ந்தேன் 

ஏமாற்றம் 

எனை  ஆட்கொள்கையில் 

உன்னிடம் தான் வந்து 

அழுவேன், 

என்னை பிரதிபலிக்கும் 

உன்னைக்காண்கையில் 

கோவம் கொப்பளிக்கும் 

எதிரில் இருக்கும் 

உன்னை அடிப்பேன் 

காயங்களும் வலிகளும் 

எனக்கு 

நிமிர்ந்து பார்க்கையில் 

என் மனதை 

போல் 

துக்கு துகளாய் 

சிதறியிருப்பாய் 

சிதறிய துகள்கள் 

ஒவ்வொன்றும் 

என்னை பிரதிபலிக்கும் 

தனிமை

கருவறையின் 

தனிமையை 

போக்கியது 

தொப்புள்கொடி 

சிறு வயதில் 

தனிமையை 

போக்கியது 

நட்புக்கள் 

இளமையின் 

தனிமையை 

போக்கியது 

காதல் 

முதிர் பருவத்தின் 

தனிமையை 

போக்கியது 

பிள்ளைகள் 

பயணத்தின் 

தனிமையை 

போக்கியது 

ராஜாவின் இசை 

இரவின் 

தனிமையை 

போக்கியது 

நிலவு 

இன்று 

முதுமையின் 

தனிமையை 

மரணம் தான் 

போக்கிடுமோ ?

கண்டேன்

முதன் முதலில் 

உன்னை

கண்டேன் 

உன் 

நிழலுக்கும்

குடை பிடிக்கும் 

பேதை என 

நான் மாற

கண்டேன் 

வார்த்தைகள் 

உச்சரிக்கும் 

உன் இதழ்கள் 

கண்டேன் 

போதை ஏறிய 

குரங்காய் 

என் மனம் மாறிட 

கண்டேன் 

காகிதம் கூட 

உன்னிடம் பேசும் 

ஆயுதமாக 

கண்டேன் 

படிக்க படிக்க 

வெட்கம் கூட 

என் துணை நிற்க 

கண்டேன் 

நம்மில் 

வார்த்தைகள் 

வற்றிட கண்டேன் 

கண்ணில் 

ஈரம் நிறைந்திட 

கண்டேன் 

உன் மௌனத்தின் 

நெருக்கம் 

கண்டேன் 

அது 

நம் பிரிவின்

தொடக்கமாய் 

கண்டேன்

அம்மா 

கருவறையில் 

உருவாக ஆகும்முன் 

என்னை 

உறவாக 

கண்டவள் 

நீயே 

உலகம் காண 

உருவம் கொண்டு 

வந்ததும் 

முதல் முத்தம் 

தந்தவள் 

நீயே 

பசி என்று என் 

நான் உணருமுன் 

வாரி அணைத்து 

பாலூட்டியவள் 

நீயே 

கல்விதனை 

நான் கற்க 

கைபிடித்து 

மணலில் எழுத 

கற்று தந்தவள் 

நீயே 

பசித்திருந்தும் 

உண்ணாமல் 

நான் வர காத்திருந்து 

உணவூட்டி 

பசியாறியவள் 

நீயே 

எனக்கு அடிபட்டாலும் 

என்னை விட 

வலியில் துடிப்பது 

நீயே 

ஊரார் என்னை பற்றி 

ஏது அவதூறு சொல்லினும் 

"என் பிள்ளை" பற்றி 

எனக்கு தெரியுமென 

என் பக்கம் 

நிற்பவள் 

நீயே 

என் ரகசியம் 

அனைத்தும் 

அறிந்த 

என் முதல் தோழி 

நீயே 

எத்தனை பிறவி 

எடுப்பினும் 

வேண்டும் 

என் தாயாய் 

நீயே 

குயில்போல நீ !

குயில்போல நீ !


தொலைத்த உறவை
எண்ணி
பாடிக்கொண்டே
இருக்குமாம்
குயில்
உன்னை போல

ஆனால்
கேட்பவருக்கு
மகிழ்வை தரும்
குயில் பாட்டும்
உன் பேச்சும்

சோகம் கூட
சுகமாகலாம்
சிலருக்கு
கற்றுக்கொண்டேன்
உன்னிடமிருந்து

தொலைத்த உறவை
எண்ணி
புதிதாய்
பிறந்த
உறவுகளை
ஒட்டாமல் தவிர்க்கிறாய்

குயில் பாட்டு
பிடிக்காதவறில்லை
உன்னையும்
பிடிக்காதவறில்லை
இவ்வுலகில்