நண்பா ,

சின்ன சின்னதாய் சேகரித்து
வளர்த்த நட்பு

பள்ளியில் வீட்டுப்பாடம் எழுதாமல்
நானிருக்க
எழுதியதை ஆசிரியரிடம்
காண்பிக்காமல் என்னோடு
முட்டிபோட்டு துணை நின்றவன்

உணவு இடைவேளையில்
இரு வீட்டு  உணவையும் ஒன்றாக்கி
என்னோடு பகிர்ந்துண்டவன்

விளையாட்டாய் செய்யும்
குறும்புக்கெல்லாம் திட்டம் தீட்டி
என்னோடு செயல்வடிவம் தந்தவன்

ஜாதி, மதம், பேதமெல்லாம்
கடந்து என்றும் என்னுடன்
துணை நின்றவன்

தொலைபேசியும் , கணினியும்
எட்டா கனியாய் இருந்த காலத்தில்
என்றும் என்னுடன் இருந்தவன்

பெற்றோருக்கு வேலை மாற்றலாகி
பள்ளியும் நீ விட்டு ஏதோ ஒரு ஊருக்கு
நீ சென்றதாய் நினைவு

இன்று பள்ளியில் படித்த பாடத்தை விட
பள்ளியில் உன்னுடன் கழித்த நாட்கள்
தான் என்றும் என் நினைவில்

தொலைதூரம் நீ இருந்தாலும்
நண்பா ,
என்றும் உன் நினைவுகள்
என் அருகில் இருக்கும்
மலரும் நினைவுகளாய் ..